විජය කුමාරතුංග රෝහලේ සේවා පුළුල් කිරිමට අවධානය
සෞඛ්ය හා ජනමාධ්ය අමාත්යාංශයේ විෂය පථයට අයත් සීදූව විජයකුමාරතුංග අනුස්මරණ රෝහලේ ප්රතිකාර සේවාවන් හි වත්මන් තත්ත්වය සහ ඉදිරි සැලසුම් පිළිබදව සොයා බැලීමේ විශේෂ සාකච්ජාවක් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන්, හිටපු ජනාධිපතිනි චන්ද්රිකා බණ්ඩාරනායක කුමාරතුංග මහත්මියගේ සහභාගීත්වයෙන් එම රොහල් පාලනාධිකාරිය සමග පසුගියදා සෞඛ්ය හා ජනමාධ්ය අමාත්යාංශයේ දී පැවැත්විණි.
දිවංගත විජය කුමාරතුංග කලාකරුවා සිහිවීම පිණිස මෙම රෝහල විජය කුමාරතුංග අනුස්මරණ රෝහල ලෙස එවකට සිටි ජනාධිපතිනි චන්ද්රිකා බණ්ඩාරනායක කුමාරතුංග මහත්මිය අතින් 1999 ඔක්තෝබර් මස 09 දින ජනතා අයිතියට පත්කෙරුණි. මෙම රෝහලේ අධ්යක්ෂ මණ්ඩලයේ සභාපතිනිය ලෙස වර්තමානයේ ද හිටපු ජනාධිපති, චන්ද්රිකා බණ්ඩාරනායක කුමාරතුංග මහත්මිය කටයුතු කරනු ලබයි.
සෞඛ්ය අමාත්යාංශය යටතේ පාලනය වන මෙම රෝහලේ බාහිර රෝගී අංශය, අක්ෂි ප්රතිකාර ඒකකය, දන්ත වෛද්ය එ්කකය, ප්රාථමික සත්කාර ඒකකය, රසායනාගාර සේවා, ශල්ය ඒකකය, එක්ස් කිරණ සහ ඊ.සී.ජී එ්කකය ඇතුළු අංශ ගණනාවක වත්මන් ක්රියාකාරීත්වය පිළිබඳව සෞඛ්ය අමාත්යවරයා මෙහි දී දීර්ඝව කරුණූ සොයා බලන ලදි.
එමෙන්ම රෝහලේ කාර්ය සාධනය, රජයේ ප්රදාන, ඉපැයීම් සහ වියදම්, පරිත්යාග ලැබිම්, වෛද්ය උපකරණ, ගෘහ භාණ්ඩ සහ ගොඩනැගිලවලට අදාළ මුළු ඇස්තමේන්තුගත ප්රාග්ධන අයවැය ඇතුළු පරිපාලන කටයුතු පිළිබදව ද අමාත්යවරයා දැඩි අවධානයකින් යුතුව මෙහි දී කරුණු සොයා බලනු ලැබීය.
මෙම රෝහලේ දැනට අක්රීය වී පවතින උපකරණ යථා තත්ත්වයට පත්කර රෝහල මගින් ලබාදෙනු ලබන රෝගී ප්රතිකාර සේවා වැඩිදියුණූ කරගැනිම සදහා සෞඛ්ය අමාත්යාංශයේ උපරිම සහයෝගය ලබාදෙන බව මෙහි දී සදහන් කළ අමාත්යවරයා විජය කුමාරතුංග රෝහල මගින් සිදු කරන අක්ෂි සම්බන්ධ රෝග ප්රතිකාර සහ ශල්යකර්ම සේවාවන් ඇගයීමට ද ලක්කරන ලදි. මෙහි දී කෙටිකාලීන සංවර්ධන යෝජනා සහ අදහස් පිළිබඳව ද අවධානය යොමු කළ අමාත්යවරයා රෝහල මගින් ලබාදෙනු ලබන ප්රතිකාර සේවාවන් තවදුරටත් පුළුල් කර ශක්තිමත් කිරීම සදහා අමාත්යාංශ මට්ටමේ පුළුල් සැලැස්මක අවශ්යතාවයද මතුකර සිටියේය.
මෙම අවස්ථාවට සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ, අතිරේක ලේකම්වරුන්වන විශේෂඥ වෛද්ය කුමාර වික්රමසිංහ, ජනක කිත්සිරි ගුණවර්ධන, චාමික ගමගේ, නියෝජ්ය අධ්යක්ෂ ජනරාල්වරුන්වන විශේෂඥ වෛද්ය අර්ජුණ තිළකරත්න, විශේෂඥ වෛද්ය සමිද්ධි සමරකොන්, ප්රධාන මූළ්ය නිලධාරී ජී.එස්.කරුණාරත්න, විජය කුමාරතුංග රෝහලේ වත්මන් අධ්යක්ෂ විශේෂඥ වෛද්ය ගයාන් රණවීර, එම රෝහලේ අධ්යක්ෂ මණ්ඩල සමාජිකයින් වන නීල් උමගිලිය, අක්ෂි ශළ්ය විශේෂඥ වෛද්ය චාමර කුමාරගේ, පරිපාලන නිලධාරී අර්.ඒ.ඒ.එස්.කේ රණසිංහ, ගණකාධිකාරී පී.ඩී.ටී.පී.එන්. බර්නාඩ්යන මහත්ම මහත්මීන් මෙන්ම සෞඛ්ය හා ජනමාධ්ය අමාත්යාංශයේ අධ්යක්ෂවරුන් ඇතුළු පිරිසක් එක්ව සිටියහ.
